Vakin er athygli á rannsóknarverkefni sem hleypt hefur verið af stokkunum í Þjóðskjalasafni. Markmiðið með verkefninu er að taka fyrir helstu embætti Íslands allt frá árinu 1550 og kryfja heimildir og skjöl sem eftir embættin liggja samkvæmt skjalfræðilegum reglum þ.e. upprunareglu.

Nú í lok janúar kom Hjalti Pálsson ritstjóri og fræðimaður á Sauðárkróki á Þjóðskjalasafnið og færði safninu fimm bindi af ritröðinni Byggðasaga Skagafjarðar. Hefur þeim verið komið fyrir á lestrarsal safnsins. Þjóðskjalasafn Íslands þakkar Hjalta þessa góðu gjöf.