Nýskipaður mennta- og menningarmálaráðherra, Kristján Þór Júlíusson, heimsótti Þjóðskjalasafn Íslands í dag. Þar kynnti hann sér starfsemi safnsins og hitti starfsfólk. Í tilefni heimsóknarinnar fékk ráðherra að gjöf sérhannaða grillsvuntu með áprentaðri mynd úr manntalinu 1703. Þar má sjá lista yfir heimilisfólk í Hvassafelli, Saurbæjarhreppi, Eyjafirði á þeim tíma sem manntalið var tekið.

Á undanförnum árum hefur Alþýðuflokkurinn og einstaklingar innan hans unnið mikið starf við að afhenda gögn sín til Þjóðskjalasafns. Þar er að finna mikið magn heimilda um íslensk stjórnmál á 20. öld og raunar til þessa dags. Enn er unnið að afhendingu gagna frá ýmsum sem gegndu trúnaðarstörfum fyrir flokkinn.