laugardagur, 10. nóvember 2012 - 15:30
Formleg afhending skjala skátahreyfingarinnar
Eiríkur G. Guðmundsson, settur þjóðskjalavörður, opnar vef skjaladagsins
Ólafur Ásgeirsson, fyrrverandi þjóðskjalavörður og skátahöfðingi, flytur erindi um upphaf skátahreyfingarinnar
Sýnishorn af skjalasafni skátahreyfingarinnar
Gestabók landsmóts skáta á Hreðavatni 1970
Lausir endar fyrir þá sem vilja spreyta sig á skátahnútum
Spjallað yfir skátakakói
Norræni skjaladagurinn er í dag. Þema dagsins er íþrótta- og æskulýðsstarf. Í tilefni af því og 100 ára afmælis skátahreyfingarinnar helgar Þjóðskjalasafn dagskrá sína skátahreyfingunni og starfsemi hennar. Dagskráin fer fram í skrifstofubyggingu safnsins að Laugavegi 162, 3. hæð. Þar fer fram formleg afhending á skjölum skátahreyfingarinnar, flutt verða erindi og sýnd skátaskjöl, myndir og munir. Sjá vef skjaladagsins.
Hér að neðan eru nokkrar svipmyndir frá skjaladeginum í Þjóðskjalasafni.