Þjóðskjalasafn Íslands setti reglur um skjalavörslu afhendingarskyldra aðila árin 2010-2014 skv. 4. gr. laga nr. 66/1985 um Þjóðskjalasafn Íslands. Lög um Þjóðskjalasafn hafa verið felld úr gildi og ný lög nr. 77/2014 um opinber skjalasöfn tekið við. Reglur settar skv. eldri lögum halda engu að síður gildi sínu. Nýjar reglur Þjóðskjalasafns eru settar með vísan í 1. tl. 8. gr. laga um opinber skjalasöfn. Öllum skjalamyndurum sveitarfélaga, sbr. 1. og 2. mgr. 14. gr. laga um opinber skjalasöfn er skylt að fylgja þessum reglum.

Leiðbeiningar um skjalavörslu sveitarfélaga eru í Handbók um skjalavörslu sveitarfélaga. Hér má nálgast handbókina á rafrænu formi í heild sinni og í einstökum köflum.

Eyðublöð fyrir grisjunarbeiðni, skjalavistunaráætlun og afhendingu pappírskjalasafna eru á rafrænu formi og má nálgast þau hér. Jafnframt má nálgast grunn að málalykli fyrir sveitarfélög í ritvinnsluformi.

Sveitarfélög og stofnanir þeirra sem ætla að varðveita gögn sín eingöngu á rafrænu formi þurfa að tilkynna rafræn gagnakerfi til Þjóðskjalasafns Íslands eða viðkomandi héraðsskjalasafns eftir því sem við á. Leiðbeiningar, stoðskjöl og eyðublöð fyrir rafræna skjalavörslu má finna hér.