Vegna hertra sóttvarnaraðgerða stjórnvalda verður öll afgreiðsla Þjóðskjalasafns í gegnum síma eða með rafrænum hætti. Ákveðið hefur verið að takmarka starfsemi Þjóðskjalasafns Íslands og hafa aðgerðirnar áhrif á þjónustu safnsins við almenning og afhendingarskylda aðila. Þjónusta Þjóðskjalasafns verður frá og með fimmtudeginum 8. október til og með 19. október 2020 með eftirfarandi hætti:

• Lestrarsalur verður lokaður.
• Afgreiðsla safnsins verður lokuð.
• Ekki verður tekið við skjalasöfnum, bæði einkaskjalasöfnum og skjalasöfnum afhendingarskyldra aðila.
• Skjalaumbúðir verða ekki afgreiddar til viðskiptavina.
• Allir fundir með skjalavörðum og sérfræðingum safnsins verða í gegnum síma eða fjarfundabúnað.

Áfram er tekið við fyrirspurnum og erindum í gegnum síma, tölvupóst og bréfpóst og verður afgreiðsla mála á sama hátt eftir því sem við verður komið. Fyrirspurnir og erindi skal senda á upplysingar@skjalasafn.is eða hafa samband í síma 590 3300 milli kl. 9 og 14 virka daga.