Vorráðstefna Þjóðskjalasafns Íslands verður haldin í fimmta skipti þann 16. maí nk. Að þessu sinni verður dagskrá vorráðstefnunnar með breyttu sniði sem byggist á því að einn aðalfyrirlestur verður fluttur og í framhaldinu munu tveir málshefjendur leggja út frá erindi aðalfyrirlesara. Í framhaldinu verða umræður um efnið.

Á dögunum auglýsti Þjóðskjalasafn Íslands fjölda starfa laus til umsóknar. Flest tengjast störfin áherslu safnsins í rafrænni langtímavörslu gagna og stafrænni miðlun.

Auglýst eru laus til umsóknar störf sérfræðinga í rafrænni skjalavörslu, sérfræðinga í miðlun gagna og starfsfólks við stafræna endurgerð pappírsskjala.