Forsíða

Fréttir

þriðjudagur, 24. maí 2011 - 22:45

Námskeiðsáætlun Þjóðskjalasafns Íslands fyrir veturinn 2011-2012 hefur nú verið birt. Síðustu árin hefur Þjóðskjalasafn haldið fjölda námskeiða sem hefur verið mjög vel tekið. Tilgangur námskeiðanna er að stuðla að bættri skjalavörslu hjá opinberum aðilum og byggja þau á reglum og leiðbeiningarritum safnsins um skjalavörslu.

Frá námskeiðahaldi í Þjóðskjalasafni
þriðjudagur, 24. maí 2011 - 14:30

Ráðstefnan, sem halda átti í samvinnu við SKÝ, átti að fara fram miðvikudaginn 25. maí kl. 08:30 á Hótel Hilton Nordica. Danskir fyrirlesarar sem áttu að halda aðalfyrirlestra ráðstefnunnar komust ekki til landsins í tæka tíð, en vonir um komu þeirra lifðu langt fram eftir þriðjudagskvöldi.

Tilkynning SKÝ um frestun ráðstefnunnar
miðvikudagur, 11. maí 2011 - 13:15

Þjóðskjalasafn Íslands í samvinnu við Ský, stendur fyrir ráðstefnu um varðveislu rafrænna gagna. Allir opinberir aðilar, ríkis og sveitarfélaga, eru skilaskyldir á sínum gögnum til Þjóðskjalasafns eða tilheyrandi héraðsskjalasafns. Þjóðskjalasafnið hefur innleitt aðferðarfræði danska ríkisskjalasafnsins við móttöku og varðveislu á rafrænum gögnum til langtíma.

Ráðstefnusalur
fimmtudagur, 17. mars 2011 - 14:15

Föstudaginn 25. mars nk. mun Þjóðskjalasafn Íslands í samstarfi við Félag um skjalastjórn standa fyrir ráðstefnunni Horft til framtíðar - varðveisla og aðgengi upplýsinga. Ráðstefnan verður á Grand hótel í Reykjavík og stendur frá kl. 13-16. Sérstakur gestafyrirlesari verður Kirsten Villadsen Kristmar, sviðsstjóri varðveislu- og grisjunarsviðs Ríkisskjalasafns Danmerkur.

Ráðstefna um varðveislu og aðgengi upplýsinga
fimmtudagur, 17. mars 2011 - 9:45

Laugardaginn 19. mars 2011 verður opið hús á lestrarsal Þjóðskjalasafns Íslands kl 13:00 - 16:00 í tilefni aldarafmælis Háskóla Íslands og í samvinnu við hann. Allir eru velkomnir og aðgangur er ókeypis.

Dagskrá

Þjóðskjalasafn Íslands
fimmtudagur, 10. mars 2011 - 14:30

Vakin er athygli á rannsóknarverkefni sem hleypt hefur verið af stokkunum í Þjóðskjalasafni. Markmiðið með verkefninu er að taka fyrir helstu embætti Íslands allt frá árinu 1550 og kryfja heimildir og skjöl sem eftir embættin liggja samkvæmt skjalfræðilegum reglum þ.e. upprunareglu.

Magnús Stephensen á 25 króna seðli

Pages