Forsíða

Fréttir

miðvikudagur, 19. október 2011 - 16:30

Í dag handsöluðu Guðsteinn Einarsson stjórnarformaður SÍS og Eiríkur G Guðmundssoni settur þjóðskjalavörður samkomulag um að skjalasafn Sambands íslenskra samvinnufélaga, sem varðveitt er á Húsavík, komi í Þjóðskjalasafn Íslands til varðveislu. Safnið hefur verið skráð í samræmi við leiðbeiningar Þjóðskjalasafns undir handleiðslu Héraðsskjalasafns Þingeyinga á Húsavik.

Guðsteinn Einarsson stjórnarformaður SÍS og Eiríkur G Guðmundsson settur þjóðskjalavörður
þriðjudagur, 4. október 2011 - 15:00

Út er komið fyrsta bindið í ritröðinni Yfirrétturinn á Íslandi - Dómar og skjöl á vegum Sögufélags og Þjóðskjalasafns Íslands. Forseta Alþingis, Ástu Ragnheiði Jóhannesdóttur, var afhent fyrsta eintakið af ritinu í Alþingishúsinu 30. september síðastliðinn.

Acta yfirréttarins
mánudagur, 3. október 2011 - 15:00

Þessir nýju heiðursfélagar eru Einar Laxness og Björk Ingimundardóttir. Einar starfaði sem skjalavörður á Þjóðskjalasafni á árum áður, en Björk er þar ennþá starfandi skjalavörður.

Þjóðskjalasafn óskar þeim báðum til hamingju með þennan verðskuldaða heiður.

Einar Laxness og Björk Ingimundardóttir
mánudagur, 5. september 2011 - 15:00

Merkur áfangi náðist í rafrænni skjalavörslu í ágúst þegar Þjóðskjalasafn samþykkti notkun mennta- og menningarmálaráðuneytisins á rafrænu mála- og skjalavörslukerfi. Unnið hefur verið að varðveislu rafrænna gagna síðasta áratuginn hjá Þjóðskjalasafninu og liður í því var útgáfa reglna um rafræn opinber gögn sem birtust í Stjórnartíðindum í ágúst 2010.

Rafræn gögn
mánudagur, 5. september 2011 - 15:00

Árin 2007-2010 fóru fram umfangsmikil skráningarverkefni á landsbyggðinni á vegum Þjóðskjalasafns. Markmiðið var að skapa störf og vinna að mikilvægum skráningum á skjalasöfnum og gera manntöl þjóðarinnar aðgengileg á vefnum. Samanlagðar fjárveitingar voru 290 milljónir króna og alls sköpuðust um 50 ársverk á sex stöðum utan höfuðborgarsvæðisins.

Skýrsla um verkefni á landsbyggðinni
föstudagur, 26. ágúst 2011 - 23:00

Skjalaskrár Þjóðskjalasafns voru settar á vef safnsins árið 2002. Umhverfi skránna og hugbúnaður hefur ekki verið endurnýjaður þótt það væri löngu komið á dagskrá. Öryggi skránna var því afar lítið og viðbúið að þær gætu orðið tölvuþrjótum að bráð. Það gerðist í janúar síðastliðnum.

Tölvuveira

Pages