Á undanförnum árum hefur Alþýðuflokkurinn og einstaklingar innan hans unnið mikið starf við að afhenda gögn sín til Þjóðskjalasafns. Þar er að finna mikið magn heimilda um íslensk stjórnmál á 20. öld og raunar til þessa dags. Enn er unnið að afhendingu gagna frá ýmsum sem gegndu trúnaðarstörfum fyrir flokkinn.

Þjóðskjalasafn Íslands hefur gefið út skýrslu um úttekt á skjalageymslum Stjórnarráðs Íslands sem gerð var 2014-2015. Mikilvægt er að afhendingarskyldir aðilar hafi skjalageymslur sem uppfylla strangar kröfur um varðveislu og aðgengi að gögnunum, meðal annars til að koma í veg fyrir eyðileggingu þeirra eða óleyfilegan aðgang að upplýsingum.