Forsíða

Fréttir

fimmtudagur, 7. febrúar 2013 - 11:30

Á Safnanótt, 8. febrúar 2013, verður dagskrá í Þjóðskjalasafni Íslands, Laugavegi 162, Reykjavík. Boðið verður upp á kynningu á Þjóðskjalasafni og skoðunarferð í skjalageymslur safnsins. Einnig gefst gestum kostur á að hlýða á erindi Benedikts Eyþórssonar sagnfræðings um Sólborgarmálið og erindi Guðnýjar Hallgrímsdóttur doktorsnemi í sagnfræði um Kokkastúlku og kærustu í kaupstað. Hægt er að skoða skjalasýningu, taka þátt í verðlaunagetraun og kíkja í ættfræðiheimildir með aðstoð sérfræðinga safnsins. Skoðaðu dagskrána og skráðu þig í skoðunarferð um skjalageymslur safnsins. Allir eru velkomnir og aðgangur er ókeypis.
 

Úr skjalageymslum Þjóðskjalasafns.
föstudagur, 25. janúar 2013 - 14:30

Þjóðskjalasafn hefur undanfarna mánuði verið þátttakandi í samevrópsku verkefni sem nefnist APEx (The Archives Portal Europe network of exellence). Markmið verkefnisins er að þróa skjalagátt þar sem finna má upplýsingar um safnkost evrópskra skjalasafna.

Archives Portal Europe.
þriðjudagur, 8. janúar 2013 - 15:45

Síðastliðinn föstudag fagnaði Kristjana Kristinsdóttir 25 ára starfsafmæli sínu á Þjóðskjalasafni og bauð samstarfsfólki sínu til samsætis í tilefni dagsins.

Eiríkur G. Guðmundsson færir Kristjönu Kristinsdóttur gjöf í tilefni af 25 ár starfsafmælinu.
laugardagur, 22. desember 2012 - 15:45

Þjóðskjalasafn Íslands óskar landsmönnum gleðilegra jóla og farsældar á nýju ári og þakkar fyrir ánægjuleg samskipti á árinu sem er að líða.
Safnið verður lokað á milli jóla og nýárs, en opnar aftur miðvikudaginn 2. janúar 2013.

fimmtudagur, 6. desember 2012 - 14:30

Þjóðskjalasafn hefur unnið að því síðustu mánuði að uppfæra og endurbæta eyðublöð sem afhendingarskyldir aðilar þurfa að fylla út. Eyðublöðin varða alla þætti skjalavörslu, en til að byrja með munu eyðublöð fyrir grisjun, afhendingu á pappírsskjölum og um tilkynningu rafrænna gagnakerfa vera uppfærð.

Rafræn eyðublöð
fimmtudagur, 6. desember 2012 - 13:15

Þann 9. nóvember var haldið sérstakt námskeið um skjalavörslu fyrir starfsmenn lögreglustjóraembættisins á Suðurnesjum. Á námskeiðinu var farið almennt yfir helstu lög og reglur sem gilda um skjalavörslu opinberra aðila, hverjir séu afhendingarskyldir aðilar og kröfur og fyrirmæli Þjóðskjalasafns til skjalavörslu þeirra.

Starfsmenn Lögreglustjórans á Suðurnesjum á námskeiði um skjalavörslu

Pages