Þjóðskjalasafn Íslands
Um síðustu áramót tóku ný fjárlög gildi og samkvæmt þeim fékk Þjóðskjalasafn Íslands það hlutverk að úthluta héraðsskjalasöfnum verkefnastyrkjum til skönnunar- og miðlunar valdra skjalaflokka. Settar hafa verið reglur og almennir skilmálar um umsóknir og úthlutun til þess að tryggja vönduð vinnubrögð og góða nýtingu fjármuna. Þjóðskjalasafn kynnti héraðsskjalasöfnunum þessar reglur og skilmála og óskaði eftir umsóknum um verkefnastyrki.
Alls bárust 19 umsóknir frá 15 héraðsskjalasöfnum og samtals var sótt 30.292.713 kr. Sérstök nefnd, skipuð Brynju B. Birgisdóttur (formaður), Helgu Jóhannesdóttur og Magnúsi Karel Hannessyni frá Sambandi íslenskra sveitarfélaga, mat umsóknir og gerði tillögur um styrkveitingar. Tillögur nefndarinnar voru samþykktar í framkvæmdastjórn safnsins 1. mars sl. og hafa niðurstöður verið sendar umsækjendum.
Úthlutun Þjóðskjalasafns á verkefnastyrkjum til héraðsskjalasafna á grundvelli fjárlaga fyrir árið 2016 er svofelld:
| Styrkþegar | Upphæð styrks |
| Héraðskjalasafnið Ísafirði | 850.000 |
| Borgarskjalasafn Reykjavíkur | 3.600.000 |
| Héraðsskjalasafn Austfirðinga og Héraðsskjalasafn á Norðfirði | 3.000.000 |
| Héraðsskjalasafn Akureyrar | 1.700.000 |
| Héraðsskjalasafn Skagfirðinga | 120.000 |
| Héraðsskjalasafn Vestmannaeyja | 2.200.000 |
| Héraðsskjalasafn Dalasýslu | 500.000 |
| Héraðsskjalasafn Árnesinga | 1.200.000 |
| Héraðsskjalasafn Árnesinga | 1.150.000 |
| Héraðsskjalasafn Skagfirðinga | 380.000 |
| Héraðsskjalasafn Austur-Húnavatnssýslu | 130.000 |
| Héraðsskjalasafn Vestur-Húnavatnssýslu | 170.000 |
| Samtals | 15.000.000 |